काठमाडौँ । युरोपा कन्फरेन्स लिगको उपाधि इंग्लिस क्लब वेस्ट ह्याम युनाइटेडले जितेको छ ।
चेक रिपब्लिकको फोर्टुना एरिना प्राहामा बुधबार राति भएको फाइनल खेलमा इटालियन क्लब फियोरेन्टिनालाई २–१ गोलले हराउँदै वेस्ट ह्यामले उपाधि जितेको हो ।
वेष्ट ह्यामका सेद सेड बेनरहमा र जारोड बोवेनले एक–ए गोल गरेका थिए । फियोरेन्टिनाका जियाकोमा बोनाभेन्तुराले एक गोल फर्काएका थिए ।
यस उपाधिसँगै वेस्ट ह्याम युनाइटेडले आगामी सिजनको युरोपा लिगमा स्थान पक्का गरेको छ ।
