बीबीसी । इरानसँग तनाव बढ्दै गएपछि क्षेप्यास्त्र र ड्रोन हमला रोक्नका लागि इजायलले आफ्नो देशका विभिन्न भागमा जीपीएसलाई नचल्ने बनाएको छ ।
इरानले गत सोमबार सिरियास्थित आफ्नो वाणिज्य दूतावासको भवनमा आक्रमण भएपछि त्यसको कडा प्रतिक्रिया दिने वाचा गरेको छ । उक्त हमला इजरायलले गरेको ठानिएको छ ।
त्यो आक्रमणमा एक जना वरिष्ठ सैन्य जनरलसहित १३ जनाको ज्यान गएको थियो । इजरायली डिफेन्स फोर्सेस (आईडीएफ)ले पनि युद्ध एकाइमा कार्यरत आफ्ना सैनिकहरूलाई कुनै पनि प्रकारको बिदा नदिने घोषणा गरेको छ ।
उसले ’रिजर्भिस्ट’ भनिने जगेडा सैनिकहरूलाई आफ्नो वायु रक्षा एकाइलाई थप प्रभावकारी बनाउन भन्दै बोलाएको भोलिपल्ट बिदा स्वीकृत नगर्ने घोषणा गरेको हो ।
इजरायली अधिकारीहरूले इरानले तत्कालै प्रतिक्रयास्वरूप हमला गर्न सक्ने ठानेको देखिन्छ । मुस्लिमहरूको पवित्र महिना रमजान अन्तिम शुक्रवार ’कुड्स डे’ वा ’जेरुसलेम डे’ पनि हो । जीपीएसमा निर्भर भएर स्थान चयन गर्न र आक्रमण गर्न प्रयोग हुने अस्त्रहरूलाई रोक्नका लागि त्यस्तो गर्ने गरिन्छ ।
