भारतीय अधिकारीहरूले धेरै ट्राभल एजेन्टमाथि छापा मारेपछि युक्रेनमा रुसी सेनाको पक्षमा लड्नका लागि मुलुकका नागरिक पठाउने एक ‘तस्करी’ नेटवर्कका सदस्यहरूलाई पक्राउ गरेको बताएका छन् ।
रुसको आक्रमण सुरु भएको दुई वर्षपछि युक्रेनमा उसका हजारौँ सैनिक मारिएका छन् र मस्को थप लडाकूहरूको वैश्विक खोजीमा छ । युद्धमा कम्तीमा दुई भारतीय सैनिक मारिएका छन् । सेनामा भर्ती भएका केही भारतीयले गत महिना अग्रिम मोर्चामा पठाइनुअघि उनीहरूलाई झुटो बहानामा युद्धको अग्रिम पङ्क्तिमा पठाइएको बताएका छन् ।
भारतको केन्द्रीय जाँच ब्युरो (सिबिआई) का अनुसन्धानकर्ताहरूले १३ स्थानमा छापा मारेर सोधपुछका लागि ‘केही संदिग्ध’ लाई पक्राउ गरेका थिए । सिबिआईका अनुसार उसले भारतीयलाई रुस पठाउने ‘करिब ३५ उदाहरण’ स्थापित गरेको छ तर उसले धेरै सम्भावित पीडितहरूको पहिचानका लागि काम गरिरहेको बताएको छ ।
