काठमाडौँ । नेपाली कांग्रेसका नेता डा. शेखर कोइरालाले टिकटक बन्द गर्ने सरकारको निर्णय खेदजनक रहेको बताएका छन् ।
सामाजिक सञ्जाल फेसबुकमा स्टाटस लेख्दै नेता कोइरालाले व्यक्तिगत स्वतन्त्रता कुण्ठित गर्ने गरी टिकटक बन्द गर्ने निर्णय सरकारबाट हुनु खेदजनक रहेको बताएका छन् । उनले यो निर्णय तत्काल फिर्ता लिइ लोकतान्त्रिक बन्न सरकारलाई आग्रहसमेत गरेका छन् ।
‘विगतमा पनि सरकारले निरंकुश बन्ने प्रयास गर्दा जनताको प्रतिकार र अदालतका आदेशहरुका बारेमा सरकारलाई स्मरण गराउन चाहन्छु ।’ उनले लेखेका छन् ।
