काठमाडौँ । नेपालले माल्दिभ्सलाई २१३ रनको लक्ष्य दिएको छ ।
एशियन गेम्स अन्तर्गतको खेलमा टस जितेर पहिला ब्याटिंग गरेको नेपालले २० ओभरमा ७ विकेट गुमाएर २१२ रन बनाएको हो ।
नेपालका लागि कप्तान रोहित पौडेलले सर्बाधिक २७ बलमा ५२ रन बनाएका थिए । त्यस्तै कुशल मल्लले २० बलमा अविजित ४७ रन बनाए भने कुशल भुर्तेलले ३५ रन बनाएका थिए । त्यस्तै गुलशन झाले पनि २१ बलमा ३५ रन बनाएका थिए ।
त्यसैगरी आसिफ सेखले ६, बिनोद भण्डारीले १३, सन्दीप जोराले ५, दिपेन्द्र सिंह ऐरीले ६ तथा सोमपाल कामीले अविजित १ रन बनाएका थिए ।
अब माल्दिभ्सले केहीबेरमा जवाफी ब्याटिंग गर्दै छ । नेपाल र माल्दिभ्सले यस अघि एक एक खेल जितेका छन् र यस खेलको विजेता क्वाटरफाइनलमा पुग्ने छ ।
