अमेरिकाको टेक्सासस्थित एक सपिङ मलमा एक बन्दुकधारीले गोली प्रहार गरी ९ जनाको हत्या गरेका छन् । बन्दुकधारीले मानिसहरूमाथि अन्धाधुन्ध गोली चलाएको प्रत्यक्षदर्शीले बताएका छन् ।
घटनापछि मलबाट सुरक्षाकर्मीले सयौँ मानिसलाई बाहिर निकालेका छन् । हमलामा मारिएका मध्ये केही बालबालिका पनि रहेको बताइएको छ । अस्पतालमा कम्तीमा सात जनाको उपचार भइरहेको छ, जसमध्ये तीन जनाको अवस्था गम्भीर छ ।
प्रहरीले हमलाकारीलाई गोली हानी मारेको बीबीसीले उल्लेख गरेको छ । पछिल्लो समय अमेरिकामा बन्दुक हमलाका घटनामा सयौँ मानिसहरूले अनाहकमा ज्यान गुमाएका छन् ।
