काठमाडौं । लोकतान्त्रिक समाजवादी पार्टी, नेपालले बारा २ को उपनिर्वाचन वरिष्ठ नेता राजेन्द्र महतोलाई उम्मेदवार बनाउने भएको छ ।
बिहीबार बसेको लोसपाको बैठकले बारा २ को उपनिर्वाचनमा नेता महतोलाई उम्मेदवार बनाउने निर्णय गरेको हो । जसपाका रामसहायप्रसाद यादव उपराष्ट्रपतिमा निर्वाचित भएपछि बारा २ मा उपनिर्वाचन हुन लागेको हो ।
यसअघि महतो सर्लाही २ मा उम्मेदवार बने पनि माओवादी केन्द्रको चुनाव चिह्नबाट चुनाव लडेका नेसपाका अध्यक्ष महिन्द्रराय यादवसँग पराजित भएका थिए ।
