काठमाडौँ । देशभर थप ७६० जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा देशभरबाट ५९२६ नमूना परीक्षण गर्दा ७६० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पीसीआर विधिबाट २५८९ र एन्टिजेनबाट ३३३७ नमूनाको परीक्षण गर्दा पीसीआरबाट ४९४ र एन्टिजेनबाट २६६ नमूनाको रिपोर्ट पोजिटिभ आएको हो ।
मन्त्रालयकाअनुसार पछिल्लो २४ घण्टामा थप ३२४ जना कोरोनामुक्त भएका छन्। याेसंगै सक्रिय संक्रमितको संख्या ५६०२ पुगेको छ ।
पछिल्लो २४ घण्टामा कोरोना संक्रमणबाट थप एक जनाको मृत्यु भएको छ ।
मन्त्रालयका अनुसार पछिल्लो २४ घण्टामा थप ४७ हजार ३४१ जनाले कोरोनाविरुद्धको खोप लगाएका छन् ।
