न रोकिन्छ समय, न छेकिन्छ नै समय । परिवर्तित समयको प्रवाहसंगै हामी तपाई समआदरणीय पाठक, दर्शक सामु सेवामा हाजिर छौं, एक्सक्लुसिभ न्यूज टाईमका साथ । तपाईहरुको जीवन दैनिकीका हर टाईम अब थप सार्थक हुनेछन् एक्सक्लुसिभ न्यूज टाईम डट कमका साथ । किन की हामी पस्कन्छौं तपाईहरुकै लागि एक्सक्लुसिभ न्यूजका साथमा विविध ज्ञानवद्र्धक तथा मनोरन्जनात्मक खुराक ।
बित्ने छ टाईम तपाईको अब, हाम्रो न्युजका साथमा । किन की हाम्रो न्यूजमा हुन्छ तटस्थ प्रश्तुती, स्वतन्त्र विश्लेषण । धेरै हाईन, तर गहन न्यूज । जताभावी होईन तर विस्तृतमा तथ्यमा आधारित सत्य न्यूज । तपाईका साथमा पलपलका न्यूज, हर दिनका ताजा ताजा घटना प्रसंगहरुमाथि बहुकोणीय चिरफारका साथ जोडिएको छ, एक्स्क्लुसिभ न्यूज टाईम डट कम ।
राज्यको चौथो अंगको उपमा पाएको पत्रकारिता तथा आम सञ्चार जगतको एक आम प्रतिनिधिका रुपमा नै हामी सूर्योदयको देश जापानबाट जोडिएका छौं तपाई आम पाठक तथा दर्शकहरुका साथमा । हामी असल र जवाफदेहीतापूर्ण पत्रकारिताको अभ्यासमा आफूलाई ईमान्दार र अब्बल साबित गर्न हरपल कोशिस गर्नेछौं । एक्स्क्लुसिभ न्यूज टाईम डट कम मुलतः अनलाईन पत्रिका हो । ताजा भिडियो संस्करणसहितको सदृश्य न्यूज यसको थप विशेषता हो । हामी सदृश्य न्यूज, सिघ्र न्यूज र सबिस्तार न्यूजमा अर्जुनदृष्टि सदा राख्ने छौं । सकारात्मक जोड र कोणबाट आम मानिसमा देश र जनताप्रति केही न केही गरौं भन्ने उत्साह र उर्जा भर्न प्रेरित गर्नेगरी हामी शव्द, दृश्य र आवाजहरुका साथ निरन्तर प्रयत्न गरिरहने छौं ।
सबैका लागि, सधैका लागि सूचना र समाचारको भरपर्दो सारथी, सबै खाले उद्यमी, व्यवसायी तथा उत्पादक, वितरकहरुका लागि विज्ञापन र प्रमोशनको विश्वासिलो चौतारी मात्र होईन, संसारभर आफ्नो बजार बिस्तार गर्ने सेतुका रुपमा तपाईहरुलाई हरपल साथ दिनेछ, एक्सक्लुसिभ न्यूज टाईम डट कमको यो डिजिटल प्लेटफर्मले । विश्वभरका मानव समुदायका लागि अदृश्य दुश्मनका रुपमा काल बनेर आएको मात्र होईन, जगजगी मच्चाईरहेको कोभिड १९ को यो कहालीलाग्दो महामारीका वीच आरम्भ भएको एक्सक्लुसिभ न्यूज टाईम डट कमको यो यात्रा सहज र सरल छैन नै । तर, पनि हामी तपाई आम पाठक तथा दर्शक र सहयोगी जनमनहरुको स्नेह, माया, विश्वास र साथले भावी चुनौति र अप्ठयाराहरुसंग पौठेजोरी खेल्दै अघि बढ्न सक्षम हुनेमा विश्वस्त छौं ।
एक्सक्लुसिभ न्यूज टाईम डटकमका तरंगहरुका साथ हामीले तपाईसंग जोडेको यो साथ, खोजेको आर्शिवाद र धाप आउदा दिनहरुमा झन कसिलो र मजबुत हुदै जाने पूर्ण विश्वास लिएका छौं । हर जनमनले आआफ्नो टाईमलाई एक्सक्लुसिभ न्यूज टाईम डटकमका साथ थप उर्जाशील बनाउन सक्नुहुनेछ भन्ने हाम्रो आशा र भरोसा छ । हामी परीक्षार्थी बनेर तपाईहरुका साथ हाजिर छौं, बाँकी सदर वा बदर गर्ने जिम्मा तपाई पाठक तथा दर्शकहरुलाई नै । हामीलाई आआफ्ना राय, सुझाव, टिप्पणी र आलोचनाका साथ सदा सतमार्गका लागि प्रेरणा र हौसला दिन नभुल्नुहोला । सुरक्षित रहनुस, स्वस्थ रहनुस । जय होस ।
उत्तम प्रसाद गौडेल
सम्पादक तथा प्रकाशक
एक्सक्लुसिभ न्यूज टाईम डट कम, टोकीयो, जापान ।
