अफगानिस्तान । अफगानिस्तानको तालिवान सरकारका नेता मौलवी हिबतुल्लाह अखुन्दजादाले अन्तर्राष्ट्रिय समुदायसँग रचनात्मक सम्बन्ध र सकारात्मक सम्बन्धका लागि आह्वान गरेका छन् । ‘अफगानिस्तानले इस्लामी सिद्धान्तको ढाँचाभित्र पारस्परिक लाभमा आधारित छिमेकी राष्ट्रहरू, इस्लामी देशहरू र अन्तर्राष्ट्रिय समुदायसँग रचनात्मक संलग्नता र सकारात्मक सम्बन्ध चाहेको छ,’ हिबतुल्लाहले इद अल–फित्रको पूर्वसन्ध्यामा मुस्लिमहरूको रोजा महिना रमजानको अन्त्यको अवसरमा आफ्नो सन्देशमा भने ।
प्रशासनका मुख्य प्रवक्ता जबीहुल्लाह मुजाहिदले आफ्नो ट्वीटर अकाउन्टमा पोस्ट गरेको सन्देशमा तालिबान नेताको सन्देशमा भनिएको छ, ‘अफगानिस्तान कुनै पनि देशको आन्तरिक मामिलामा हस्तक्षेप गर्न चाहँदैन र अरुबाट पनि त्यस्तै अपेक्षा गर्छ ।’ हिबतुल्लाहले शिक्षा क्षेत्रमा सरकारले शिक्षाको थप विकासका लागि योजना बनाइरहेको बताए ।
आफ्नो प्रशासनले हासिल गरेका उपलब्धिको गणना गर्दै उनले तालिवान सरकारले अफगानिस्तानमा युद्ध अन्त्य गरेको, शान्ति कायम गरेको, अफिम खेती, लागूऔषध प्रशोधन र त्यसको ओसारपसारमा प्रतिबन्ध लगाएको, हजारौं लागुऔषध दुव्र्यसनी र भिखारीलाई पक्राउ गरेको, मुलुकको अर्थतन्त्रलाई चलायमान बनाएको, नातावादको अन्त्य गरेको र सरकारी कर्मचारी भर्नामा योग्यतालाई बढावा दिएको बताए ।
उनले न्याय सुनिश्चित गर्न, अर्थतन्त्रको विकास गर्न र अफगानिस्तानमा शान्ति र सुरक्षालाई थप स्थिर बनाउन पनि आह्वान गरे ।
