रुसी विदेशमन्त्री सर्गेइ लाभरोभले राष्ट्रपति भ्लादिमिर पुटिनले अपनाएको नयाँ विदेश रणनीतिले पश्चिमा मुलुक मस्कोको लागि ’अस्तित्वको खतरा’ का रुपमा चित्रण गरेको बताएका छन् ।
गत वर्ष युक्रेनमा सेना तैनाथ गर्ने रुसको निर्णयपछि पश्चिमा मुलुकसँग रूसको सम्बन्ध चिसिएको बेला यो घोषणा गरिएको हो ।
“हाम्रो देशको सुरक्षा र विकासको लागि अस्तित्वको खतराको प्रकृति, अमित्र राष्ट्रहरूको कार्यद्वारा प्रेरित छ,” विदेशमन्त्री लाभरोभले रूसको सुरक्षा परिषद्को बैठकमा भने ।
उनले भने, “नीतिमा संयुक्त राज्य अमेरिकालाई रूस विरोधी भावनाको मुख्य उक्साहट र चालकको रूपमा प्रत्यक्ष रूपमा नामकरण गरिएको छ ।”
“रूसलाई हरसम्भव तरिकाले कमजोर बनाउने पश्चिमाहरूको नीतिलाई नयाँ प्रकारको ‘हाइब्रिड’ युद्धको रूपमा चित्रण गरिएको छ,” उनले भने ।
विश्वमा ‘आमूल परिवर्तन’ का कारण विश्वव्यापी मञ्चमा संलग्नताका लागि रूसको रणनीतिको अद्यावधिक आवश्यक रहेको बताउँदै पुटिनले आफूले औपचारिक रूपमा ४२ पृष्ठको नयाँ दस्तावेज घोषणा गरेको स्वीकारे ।
