काठमाडौँ । अखिल नेपाल महिला संघको सातौँ राष्ट्रिय सम्मेलन यही चैत २५ र २६ गते हुने भएको छ । संघले आज पत्रकार सम्मेलनको आयोजना गर्दै सातौँ राष्ट्रिय सम्मेलन हुन लागेको जानकारी दिएको हो ।
सम्मेलनमा एक हजार दुई सय ६२ जनाको सहभागिता रहनेछ । सम्मेलनले आगामी तीन वर्षका लागि नीति, कार्यक्रम पारित गर्नुका साथै नेतृत्व चयन गर्ने संघ संयोजक थममाया थापाले जानकारी दिइन् ।
अनेमसंघले राष्ट्रको अग्रगमन र समृद्धिका लागि राज्यको हरेक संरचनामा महिलाको समानुपातिक समावेशी सहभागिताका साथै महिला हिंसाको अन्त्य, शान्ति, सुशासन र सामाजिक न्याय प्राप्तिका उद्देश्यले निरन्तर काम गरिरहेको उनको भनाइ छ ।
