काठमाडौँ । माघ २७ गतेबाट रिलिज हुन लागेको फिल्म ‘मनसँग मन’को टिजर सार्वजनिक भएको छ । यो फिल्मको टिजरमा मुख्य कलाकारहरु नायक पुष्प खड्का र नायिका वर्षा सिवाकोटीलाई देखाइएको छ ।
टिजरमा वर्षा र पुष्पको प्रेमलाई झल्काउने कोशिश मेकरले गरेका छन् । यो फिल्ममा नायक पल शाह र नायिका पूजा शर्माले एउटा गीतमा नृत्य गरेका छन् । फिल्ममा वर्षा र पुष्पको अलवा वुद्धि तामाङ, रविन्द्र झाको मुख्य भूमिका छ ।
सौरभ इन्टरटेन्मेन्ट र बालाली इन्टरटेन्मेन्टको प्रस्तुतिमा तयार भएको यो फिल्मलाई कैलाश राईले निर्देशन गरेका हुन् । यो फिल्ममा अर्जुन पोखरेल, अगोमा गुरुङ र दीपक शर्माको संगीत छ । फिल्ममा अरुण तामाङ निर्माता छिन् । अर्जुन जीसीको सम्पादन रहेको फिल्ममा सौरभ लामाको छायाँकन, रामजी लामिछाने र कमल राइको कोरियोग्राफी, कैलाश राइको कथा तथा पटकथा छ ।
