काठमाडौँ । नेपाली कांग्रेसले आज पत्रकार सम्मेलन गर्दैछ ।
प्रवक्ता डा. प्रकाशशरण महतले पार्टीको भातृ शुभेच्छुक संस्थाको गठन तथा विस्तार, पार्टीको विभाग गठन, सत्ता गुमेपछि प्रतिपक्षी भूमिकाका विषयमा आज पत्रकार सम्मेलनमार्फत जानकारी दिने भएका हुन् ।
कांग्रेस केन्द्रीय कार्यालय सानेपामा दिउँसो ३ बजे पत्रकार सम्मेलन गर्ने कार्यक्रम रहेको छ । मंसिर ४ मा सम्पन्न आम निर्वाचनमा पहिलो दल बनेको नेपाली कांग्रेस माओवादीले कित्ता परिवर्तन गरेपछि प्रतिपक्षमा बस्न पुगेको छ ।
पार्टी सरकारबाट बाहिरिएपछि नेताहरुबाट फरक फरक खालका प्रतिक्रिया आइरहेको अवस्थामा पार्टीले पत्रकार सम्मेलनमार्फत पछिल्लो राजनीतिक घटनाक्रमका बारेमा धारणा सार्वजनिक गर्न लागेको हो ।
