काठमाडौँ । नेकपा एकीकृत समाजवादीले पोलिटब्यूरो बैठक बोलाएको छ ।
प्रचार विभाग प्रमुख जगन्नाथ खतिवडाका अनुसार शनिबार र आइतबार स्थायी कमिटी बैठक बसेपछि एकीकृत समाजवादीले सोमबार पोलिटब्यूरो बैठक बोलाएको हो । उनले बैठक विहान ११ बजे पार्टी कार्यालयमा बस्ने बताए ।
उनले भने– ‘पार्टीको स्थायी कमिटीको बैठकले भेलि पोलिटब्युरो बैठकको आयोजना गरेका छौँ । पोलिटब्युरो बैठकले के सुझाव दिन्छ, त्यसपछि मात्रै यावत विषयहरुमा थप धारणाहरु बाहिर ल्याउनेछौँ । हामीले समसामयिक राजनीतिक विषयमा पार्टीको दृष्टिकोणका बारेमा छलफल गरेका थियौँ । यो बैठकले पार्टी निर्माण, सुदृढीकरण र बिस्तारका बारेमा छलफल गरेको छ । पार्टी एकता बाहिरको हल्ला मात्रै हो ।’
