अर्जेन्टिनाकी उपराष्ट्रपतिले क्रिस्टिना फर्नान्डेज डि क्रिच्नरको हत्या प्रयास भएको छ । समाचार संस्था रोयटर्सका अनुसार बिहीबार उनलाई एक जनाले पेस्तोलले गोली हान्ने प्रयास गरेका थिए। राजधानी ब्युनस आयर्सको आफ्नै निवासमा समर्थकहरूसँग भेटिरहेकी क्रिस्ट्रिनाको टाउकोमा ताकेर पेस्तोलले गोली हान्न खोजेको भिडियो सार्वजनिक भएको छ ।
पाँच राउन्ड गोली लोड भएको भए पनि त्यतिबेला पेस्तोल नपड्किएकाले क्रिस्टिना बाँचेको अधिकारीहरूले बताएका छन् । अर्जेन्टिनाका राष्ट्रपतिल एल्बर्टो फर्नान्डिजले उक्त हत्या प्रयासको निन्दा गरेका छन् ।
अर्जेन्टिनामा प्रजातन्त्र पुनर्स्थापना भएपछिको यो सबैभन्दा गम्भीर घटना भएको उनले उल्लेख गरेका छन् । यसअघि दुई पटक अर्जेन्टिनाकी राष्ट्रपति भइसकेकी उपराष्ट्रपति क्रिस्टिनाविरूद्ध भ्रष्टाचार मुद्दा लागेको छ।
सोही मुद्दामा उनी बिहीबार बयान दिएर आएकी थिइन् । आक्रमणकारीले किन उनको हत्या प्रयास गरेका थिए भन्ने खुलेको छैन।सञ्चारमाध्यमले पेस्तोल ताक्ने व्यक्ति ३५ वर्षीय ब्राजिलियन मूलका पुरूष भएको समाचार उल्लेख गरेका छन्। उनलाई प्रहरीले हिरासतमा लिएको छ।
