काठमाडाैँ । थप २६९ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा देशभरबाट ३५५७ नमूना परीक्षण गर्दा २६९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पीसीआर विधिबाट १७३२ र एन्टिजेनबाट १८३५ नमूनाको परीक्षण गर्दा पीसीआरबाट १८० र एन्टिजेनबाट ८९ नमूनाको रिपोर्ट पोजिटिभ आएको हो ।
मन्त्रालयकाअनुसार पछिल्लो २४ घण्टामा थप २१५ जना कोरोना संक्रमणमुक्त भएका छन् ।
यस्तै पछिल्लो २४ घण्टामा कोरोनाबाट थप एक जनाको मृत्यु भएको छ ।
हाल सक्रिय कोरोना संक्रमितको संख्या ३१५८ रहेकाे छ ।
