संखुवासभा। जिल्लाको सभापोखरी गाउँपालिका –६ बाह्रविसेमा आगलागी हुँदा ५ घर जलेका छन्। सभापोखरी –६ बाह्रविसेमा आगलागी हुँदा ५ घर जलेरका हुन्।
बुधबार दिउँसो अन्दाजी ३ बजे सभापोखरी –६ बाह्रविसेमा आगलागी हुदाँ ५ घर जलेर नष्ट भएको जिल्ला प्रहरी कार्यालय संखुवासभाका प्रहरी निरीक्षक रामकुमार लामिछानेले जानकारी दिए।
सभापोखरी –६ बाह्रविसेका लालसिंह लिम्बू, रामबहादुर राई, अनिता राई र सुशील तामाङको घर जलेर नष्ट भएका छन्। आगलागीबाट सुशील तामाङको दुईवटा घर जलेर नष्ट भएको प्रहरी निरीक्षक रामकुमार लामिछानेले बताए।
स्थानीय सुशीलको खाना पकाउन ठाउँबाट आगलागी सुरु भएको प्रहरीले जनाएको छ।
आगलागी नियन्त्रणका लागि नेपाल प्रहरी, नेपाली सेना र स्थानीय खटिएको प्रहरी निरीक्षक लामिछानेले बताए। आगलागी भएको खबर पाउन साथ प्रहरी चौकी बाह्रविसेको टोली घटनास्थल पुगेको थियो।
आगलागीको कारण हालसम्म खुलेको छैन। आगलागीबाट मानवीय क्षति भने नभएको प्रहरीले जनाएको छ। आगलागीबाट लाखौँको क्षति भएको प्रहरीले जनाएको छ। आगलागीबाट के कति क्षति भएको छ सो को विवरण सङ्कलन भइरहेको जिल्ला प्रहरी कार्यालय सङ्खुवासभाले जनाएको छ।
