पोखरा । राष्ट्रिय स्वतन्त्र पार्टीका सभापति रवि लामिछानेकी पत्नी निकिता पौडेलको सम्पत्ति जफत गर्न माग गर्दै मुद्दा दायर भएको छ ।
आइतबार सरकारी वकिलको कार्यालय कास्कीले दायर गरेको मुद्दामा सम्पत्ति जफत प्रयोजनका लागि निकिता पौडेललाई प्रतिवादी बनाएको हो ।
जिल्ला सहायक न्यायाधिवक्ता शान्तिदेवी शर्माका अनुसार पौडेललाई पनि सम्पत्ति जफतका लागि मुद्दा दायर भएको हो ।
त्यस्तै, लिला पछाई, उनकी आमा राधा पछाई, दिदी गीता पछाई, पूर्वडिआइजी छविलाल जोशी, उनकी श्रीमती पद्मा जोशी बन्जाडे र छोरा रोचक जोशीको पनि सम्पत्ति जफत गर्न माग भएको हो । रविको मात्रै २७ करोड भन्दा बढीको बिगो मागदाबी गरिएको छ ।
