सुदूरपश्चिम । नेपाली कांग्रेसका नेता डा. शेखर कोइरालाले पार्टी सभापति शेरबहादुर देउवा र आफूबीच कुनै तिक्तता नरहेको बताएका छन् ।
सुदूरपश्चिमका जिल्लाको भ्रमणका लागि शुक्रबार धनगढी पुगेका कोइरालाले पत्रकारहरुसँग कुरा गर्दै पार्टी सभापतिसँग आफ्नो कुनै तिक्तता नरहेको बताएका हुन् ।
कोइरालाले आफू सभापति देउवासँगको सल्लाहमा सुदूरपश्चिमका नेता–कार्यकर्ता भेट्न आएको बताए । उनले भने, ‘म पार्टी सभापतिकै सल्लाहमा सुदूरपश्चिमको भ्रमणमा आएको हुँ । मेरो र उहाँबीचमा केही त्यस्तो छैन ।’
उनले १५ औँ महाधिवेशनमा आफू सभापतिको उम्मेदवार रहेको बताए ।
