काठमाडौँ । गृहमन्त्री रमेश लेखकले कास्की प्रहरीको हिरासतमा रहेका राष्ट्रिय स्वतन्त्र पार्टीका सभापति रवि लामिछानेको तस्बिर सार्वजनिक गर्नेमाथि कारबाही गर्न निर्देशन दिएका छन् ।
बिहीबार प्रहरी प्रमुख वसन्त कुँवरलाई गृहमन्त्री लेखकले यस विषयमा यथार्थ छानबिन गरी दोषीलाई तत्काल कारबाहीको दायरामा ल्याउन निर्देशन दिएका हुन् ।
बुधबार रास्वपाका कार्यकर्ताले सामाजिक सञ्जालमा हिरासत कक्षभित्रको तस्बिर भन्दै सार्वजनिक गरेपछि गृहमन्त्रीले यसबारेमा चासो राखेका हुन् । उक्त तस्बिर रास्वपाका समर्थक डा. निकोलस भूसालले आफूले खिचेको र सार्वजनिक गर्नु गलत भएको भन्दै माफी मागेका छन् ।
