गाजापट्टी । हमासले सिरियाली जनतालाई राष्ट्रपति बसर अल–असदलाई अपदस्थ गरेकामा बधाई दिँदै देशमा एकताको आह्वान गरेको छ ।
“हमासले स्वतन्त्रता र न्यायका लागि उनीहरूको आकांक्षा हासिल गर्न सफल भएकामा भाइचारा सिरियाली जनतालाई बधाई दिन्छ र हामी सिरियाली जनताका सबै घटकहरूलाई एकजुट हुन आह्वान गर्दछौँ”, प्यालेस्टिनी लडाकू समूहले विज्ञप्तिमा भनेको छ ।
बशर अल–असदको नेतृत्वमा सिरिया इरानको ‘प्रतिरोध अक्ष’ को एक महत्त्वपूर्ण हिस्सा थियो तथा लेबनानको हिजबुल्लाह र हमासलाई समेत समावेश गर्ने बलको एक ढिलो गठबन्धन थियो ।
सन् २०२३ अक्टोबर ७ मा गाजामा हमाससँगको युद्ध सुरु भएदेखि इजरायलले सिरियामा इरानसँग सम्बन्धित लक्ष्यहरूमा आफ्नो हवाई आक्रमण बढाएको छ ।
यसअघि प्यालेस्टिनी इस्लामिक जिहाद लडाकू समूह हमासले सिरियामा भइरहेका घटनाहरू ‘सिरियाको मामिला’ भएको र सिरियाले प्यालेस्टिनी जनताको समर्थन गरिरहोस् भन्ने आशा गरेको थियो ।
“सिरियामा जे भयो त्यो सिरियाको मामिला हो”, पिआइजेका महासचिव जिहाद अल–नखालाहले विज्ञप्तिमा भने, “हमास आन्दोलनले सिरिया प्यालेस्टिनी जनता र उनीहरूको न्यायपूर्ण उद्देश्यको सच्चा समर्थक र पक्षधर रहनेछ, जसरी यो सधैँ रहेको छ भन्ने आशा गरेको छ ।”
संयुक्त राष्ट्रसङ्घको प्यालेस्टिनी शरणार्थी एजेन्सी युएनआरडब्लुएका अनुसार सन् २०२२ मा चार लाख ३८ हजार प्यालेस्टिनी शरणार्थीका रूपमा सिरियामा बसोबास गरेका थिए ।
