कपिलवस्तु । कपिलवस्तुबाट पाटे बाघको छालासहित एक जना पक्राउ परेका छन् । पक्राउ पर्नेमा रुपन्देही बुटवल उप–महानगरपालिका– ५ गोलपार्कका ४१ वर्षीय विष्णुप्रसाद भट्टराई रहेका छन् ।
प्रहरी निरिक्षक सुजन शाहको कमान्डमा खटिएको प्रहरी टोलीले उनलाई पाटे बाघको छालासहित शिवराज नगरपालिका– २ हल्लानगरबाट पक्राउ गरेको हो ।
उनको साथबाट टाउकोदेखि पुच्छरसम्म करिब ६ फिट लम्बाइ भएको बाघको छाला बरामद भएको प्रहरीले जनाएको छ । पक्राउ परेका भट्टराईलाई थप अनुसन्धानका लागि डिभिजन वन कार्यालय चन्द्रौटा कपिलवस्तु पठाइएको प्रहरीले जनाएको छ ।
