काठमाडौं । रुकुमपूर्वको पुथाउत्तरगंगा गाउँपालिका–२ को वडाध्यक्षमा नेकपा माओवादी केन्द्रका जगत घर्ती निर्विरोध निर्वाचित भएका छन् ।
कांग्रेस–एमालेको गठबन्धनबाट उम्मेदवार बनेका एमालेका जीवन रोकाले उम्मेदवारी फिर्ता लिएपछि माओवादी केन्द्रका घर्ती वडाध्यक्षमा निर्विरोध निर्वाचित भएका हुन् ।
यसको औपचारिक घोषणा भने हुन बाँकी छ । यसअघि माओवादी केन्द्रबाट वडाध्यक्षमा निर्वाचित भएका जसबहादुर शिर्पालीको दुर्घटनामा निधन भएपछि उपनिर्वाचन हुन लागेको हो ।
गत निर्वाचनमा पनि वडा नम्बर २ एमाले र कांग्रेसले गठबन्धन गरेर चुनाव लडेका थिए । तर माओवादी केन्द्रका उम्मेदवार जसबहादुर शिर्पाली विजयी भएका थिए ।
