काठमाडौं । पूर्वप्रधानमन्त्री डा. बाबुराम भट्टराईले नेकपा माओवादी केन्द्रका अध्यक्ष पुष्पकमल दाहाल प्रचण्डसँग अब कहिल्यै नझुक्किने प्रण गरेका छन् । मंगलबार सामाजिक संजालमार्फत भट्टराईले सबैलाई सधैं झुक्याउन नसिकने र आफू प्रचण्डसँग कहिल्यै नझुक्किने बताएका हुन् ।
उनले भनेका छन्, ‘प्रसिद्ध भनाइ छ, ‘सबैलाई केही समय झुक्याउन सकिन्छ, केहीलाई सधैंभर झुक्याउन सकिन्छ; तर सबैलाई सधैंभर झुक्क्याउन सकिन्न।’ परन्तु लामो सत्ताले मदहोश भएका प्रचण्ड जस्ता केही मान्छे ठान्दछन्– सबैलाई सधैंभर झुक्क्याउन सकिन्छ। उनको पछिल्लो हर्कत त्यसैको दसी हो । अब उनीबाट झुक्किने नझुक्किने सबैले आफैं सोच्ने कुरा हो। मैले त ३५ वर्षको प्रत्यक्ष अनुभव पछि गम्भीर आत्मसमीक्षासहित अब कहिल्यै नझुक्किने प्रण गरेको छु।’
