पाकिस्तान । पाकिस्तानी सेनाले देशभरि गरेको छुट्टाछुट्टै कारबाहीमा सात आतङ्ककारीको मृत्यु र तीन जना घाइते भएका छन् ।
पाकिस्तानी सेनाको मिडिया शाखा इन्टर–सर्भिसेस पब्लिक रिलेसन (आइएसपिआर) ले उक्त घटना उत्तरी बजिरिस्तान आदिवासी जिल्लामा भएको बताएको छ । यहाँ सेनाद्वारा गरिएको अपरेशनमा एक आतङ्कवादी मारिएका थिए ।
दोस्रो घटना छिमेकी दक्षिण बजिरिस्तान जिल्लामा भएको थियो । यहाँ सेनाले पाकिस्तान–अफगानिस्तान सीमाबाट घुसपैठ गर्न खोजिरहेका आतङ्कवादीहरूलाई रोकेको थियो ।
यस घटनापछि गोलीबारी सुरु हुँदा पाँच आतङ्ककारी मारिएका र अन्य तीन घाइते भएका थिए ।
यसैबीच पाकिस्तानको दक्षिणपश्चिम बलुचिस्तान प्रान्तमा सोमबार सुरक्षा बलसँगको भिडन्तमा एक आतङ्कवादी मारिएका छन् ।
