दक्षिणी र पूर्वी लेबनानका विभिन्न क्षेत्रमा इजरायली हवाई आक्रमणमा १० जनाको मृत्यु भएको छ । साथै नौ जना घाइते भएका छन् ।
लेबनानी सिभिल डिफेन्सको एक अज्ञात स्रोतले दक्षिणी लेबनानको सइदा छिमेकमा इजरायली आक्रमणमा तीन व्यक्तिको मृत्यु भएको र ९ अन्य घाइते भएको बताएको छ ।
यसबाहेक, पूर्वी लेबनानको माचघारा सहरमा भएको आक्रमणमा तीन जना सर्वसाधारणको मृत्यु भएको छ भने दक्षिणी लेबनानको जबल अल–बाटम गाउँमा थप दुई जनाको मृत्यु भएको थियो ।
इस्लामिक स्वास्थ्य प्राधिकरणका दुई प्यारामेडिकहरू दक्षिणी लेबनानको बाजोरीह नगरपालिकामा मारिएका थिए । इजरायली सेनाले हिजबुल्लाहसँगको बढ्दो आक्रमणमा सेप्टेम्बरको अन्त्यदेखि लेबनानमा आक्रमण शुरु गरेको छ ।
लेबनानको स्वास्थ्य मन्त्रालयको आईतवारको रिपोर्टअनुसार अक्टोबर ८, २०२३ मा युद्ध शुरु भएदेखि लेबनानमा इजरायली हवाई आक्रमणबाट मर्नेहरूको संख्या २ हजार ९८६ पुगेको छ । घाइतेहरूको संख्या १३ हजार ४०२ पुगेको छ ।
