अल्जेरियाले जनवरीदेखि अहिलेसम्ममा उप–सहारा अफ्रिकाका करिब २० हजार आप्रवासीलाई छिमेकी मुलुक नाइजरमा फर्काएको नियामीस्थित गैरसरकारी संस्था (अलार्म फोन सहारा) ले जानकारी दिएको छ ।
सन् २०१४ देखि महिला र बालबालिकालगायत अनियमित आप्रवासीलाई अल्जेरियाले पटकपटक फिर्ता गरेको छ । भूमध्यसागर पार गरेर युरोप जाने प्रयास गर्नेहरूका लागि अल्जेरिया प्रमुख ‘ट्रान्जिट प्वाइन्ट’ हो।
अल्जेरिया र नाइजरको विशाल मरुभूमिमा आप्रवासीको उद्धार गर्ने अलार्म फोन सहाराले जनवरीदेखि अगस्टसम्म १९ हजार ७९८ जनालाई घर फर्काएको संस्थाका सदस्य मोक्तार डान यायेले जानकारी दिए ।
आप्रवासीहरूलाई अक्सर ‘क्रूर अवस्थामा सबैभन्दा खराब अवस्थामा, घातक परिणामहरूको साथ’ देश निकाला गरिन्छ, गैरसरकारी संस्थाले अगस्टको अन्त्यमा प्रकाशित एक रिपोर्टमा भनिएको छ ।
“आप्रवासीहरू शहरमा वा ट्युनिसियाको सीमामा बस्ने वा काम गर्ने ठाउँमा छापा मार्ने क्रममा पक्राउ पर्छन् र नाइजरतर्फ ट्रकमा लैजानुअघि दक्षिणी अल्जेरियाको तमानरासेटमा जम्मा हुन्छन्,“ यायेले भन्ने ।
त्यसपछि नाइजेरियालीहरूलाई सीमापारिको पहिलो एल्जेरियाली गाउँ आसमाकामा लगिन्छ, जहाँ उनीहरूलाई स्थानीय अधिकारीहरूले जिम्मा लिन्छन् ।
अन्य केहीलाई भने अल्जेरिया र नाइजरको सिमानामा पर्ने मरुभूमि क्षेत्र ’पोइन्ट जिरो’मा छोडिएको छ। त्यहाँबाट अत्यधिक तापक्रममा १५ किलोमिटर पैदल हिँडेर आसमाका पुग्नुपर्ने बाध्यता रहेको यायेले बताए ।
“आसामाकामा नाइजेरियाली आप्रवासीहरूको जिम्मा लिएपछि संयुक्त राष्ट्रसङ्घ र इटालियन अस्थायी आवास केन्द्रहरूमा राखिएको छ र त्यसपछि उनीहरूलाई उत्तरी नाइजरका अन्य केन्द्रहरूमा सारिएको छ,” उनले भने ।
उनले भने “हामीले आप्रवासीहरूबाट दुब्र्यबहार, हिंसा र अल्जेरियाली सेनाद्वारा उनीहरूको सामान जफत गरिएका धेरै कथाहरू सुनेका छौँ।’
गत वर्ष सत्तासम्हालेको नाइजरको जुन्टाले गत अप्रिलमा नियामीका लागि अल्जेरियाका राजदूतलाई बोलाएर स्वदेश फिर्ती अभियान र निर्वासनको ‘हिंसात्मक प्रकृति’को विरोध गरेको थियो । अल्जीयर्सले नियामीका दूतलाई फोन गरेर आरोपलाई ‘आधारहीन’ भन्दै खण्डन गरेको छ ।
नाइजरले सन् २०१५ को नोभेम्बरमा आप्रवासी मानव बेचबिखनलाई अपराधीकरण गर्ने कानुन खारेज गरेयता ‘प्रतिशोधको डर बिना’ धेरै मानिस आप्रवासन मार्गमा पहिलेजस्तै निर्वाध रूपमा हिँडडुल गरिरहेका छन्
