होन्डुरसले २० हजार क्षमताको ‘मेगा कारागार’ निर्माण गर्ने भएको छ ।
मुलुकमा ‘सुरक्षा आपतकालीन’ विरुद्ध लड्ने उपायबीच राष्ट्रपति जिओमारा क्यास्ट्रोले शुक्रबार मेगा कारागार बनाउने घोषणा गरिन्।
होन्डुरसको राष्ट्रिय सुरक्षा र सुरक्षा परिषद्का सदस्यहरूसँग क्यास्ट्रोले राति राष्ट्रलाई सम्बोधन गर्दै ‘अपराधविरुद्धको समाधानको योजना’ बढ्दो हिंसाका बारेमा सार्वजनिक गुनासोहरूको प्रतिक्रिया रहेको बताइन् ।
उनले ‘हत्या, लागू औषधको ओसारपसार, जबर्जस्ती असुली, अपहरण, हतियारको तस्करी, अवैध सम्बन्ध र मनी लन्ड्रिङजस्ता अपराधको धेरै घटना भएका सबै क्षेत्रमा’ सशस्त्र बल र प्रहरीले ‘तत्काल हस्तक्षेप’ गर्नुपर्ने बताइन्।
मेगा कारागार र करिब एक दर्जन अन्य उपायले छिमेकी मुलुक एल साल्भाडोरलाई प्रतिध्वनि गर्दछ । एल साल्भाडोरमा राष्ट्रपति नायब बुकेलेको गिरोहविरोधी अभियानले अधिकार समूहहरूबाट आलोचना प्राप्त गरे पनि उनलाई ल्याटिन अमेरिकामा सबैभन्दा लोकप्रिय नेतामध्ये एक बनाएको छ ।
होन्डुरस विश्वको सबैभन्दा हिंसात्मक मुलुकमध्ये एक हो । यहाँ सन् २०२३ मा प्रति एक लाख बासिन्दामध्ये हत्या दर ३४ रहेको छ र यो विश्वव्यापी औसतभन्दा करिब छ गुणा हो ।
सशस्त्र बलका प्रमुख रुजबेल्ट हर्नान्डेजले उत्तरपूर्वी ओलानचो र ग्रेसियस ए डिओस विभागबीच निर्जन क्षेत्रमा ‘घोषित सुरक्षा आपतकालीन’ अन्तर्गत २० हजार कैदी अट्ने ‘आपतकालीन रिक्लुजन सेन्टर’ तत्काल निर्माण गर्न आदेश दिइएको बताए।
उनका अनुसार होन्डुरसको करिब ३० कारागारमा हाल करिब २१ हजार कैदी रहेका छन् र तिनीहरूलाई ‘तत्काल’ नयाँ सुविधामा स्थानान्तरण गरिनेछ ।
रक्षामन्त्री म्यानुअल जेलयाले क्यारेबियनमा स्वान द्वीपमा पहिला नै २० हजार कैदीलाई राख्ने योजना बनाइएको कारागार निर्माणका लागि दुई सातामा टेन्डर घोषणा गरिने जानकारी दिए।
