काठमाडौँ । नेपालमा थप ६८० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ६८० जनामा संक्रमण पुष्टि भएको हो । योसँगै कोरोना संक्रमितको संख्या ९७४४८६ पुगेको छ ।
त्यस्तै पछिल्लो २४ घण्टामा थप १८३५ जना संक्रमणमुक्त भएका छन् । योसँगै संक्रमणमुक्त हुनेको संख्या ९४२७३७ पुगेको छ ।
त्यस्तै पछिल्लो २४ घण्टामा कोरोना संक्रमणबाट थप १० जनाको मृत्यु भएको छ । योसँगै मृत्यु हुनेको संख्या ११९०२ पुगेको छ ।
हाल क्वारेन्टाइनमा ११२ जना छन् भने आइसोलेसनमा १९४०० सक्रिय संक्रमित रहेका मन्त्रालयले जनाएको छ ।
