काठमाडौँ । प्रतिनिधिसभा अन्तर्गत रहेको शिक्षा, स्वास्थ्य तथा सूचना प्रविधि समितिको सभापतिमा नेकपा एकीकृत समाजवादीका सांसद अमरबहादुर थापा निर्विरोध निर्वाचित भएका छन् ।
बुधबार साँझ सिंहदरबारस्थित समितिमा राखिएको सभापतिको निर्वाचनमा थापाको मात्र उम्मेदवारी परेको थियो ।
बुधबार समितिमा निर्विरोध निर्वाचित भएका थापालाई सभामुख देवराज घिमिरेले पद तथा गोपनियताको शपथ खुवाएका छन् । थापा एकीकृत समाजवादीबाट गत वर्षको आम निर्वाचनमा दैलेख १ बाट निर्वाचित भएका थिए ।
यसअघि समिति सभापति रहेका भानुभक्त जोशी मन्त्री बनेपछि समिति सभापतिवीहिन थियो ।
