काठमाडौं । नेकपा एमालेका अध्यक्ष केपी शर्मा ओलीसँगका विभिन्न घटना प्रसंग समेटिएको पुस्तक ‘संसदमा केपी शर्मा ओली’ प्रकाशित भएको छ ।
राजधानीमा मंगलबार आयोजित कार्यक्रममा पूर्वराष्ट्रपति विद्यादेवी भण्डारीले पुस्तकको लोकार्पण गर्दै कृति भावी पुस्ताका लागि विगत नियाल्ने आँखीझ्यालको रुपमा रहेको बताइन् ।
पुस्तकमा २०४८ देखि २०७४ सालसम्म ओलीले सम्बोधन गरेका विषयलाई समावेश गरिएको लेखक सानीमैया खड्काले जानकारी दिइन् । ओलीले संसद्को २३ वटा अधिवेशनमा भाग लिएको पनि पुस्तकमा उल्लेख गरिएको छ ।
