काठमाडौं । प्रहरीले महिलाको चरित्र हत्या गरेको आरोपमा एक जनालाई पक्राउ गरेको छ ।
नक्कली फेसबुक आइडी बनाएर तस्बिर र भिडियो प्रशारण गरेको आरोपमा नेपाल प्रहरीको साइबर ब्युरोले गोरखा भिमसेनथापा गाउँपालिका–२ घर भई काठमाडौंको तारकेश्वर नगरपालिका–४ बस्ने २४ वर्षीय भिमसेन भट्टलाई पक्राउ गरेको हो ।
ब्युरोले उनलाई काठमाडौं महानगरपालिका–२७ बाट पक्राउ गरेको एसपी पशुपतिकुमार रायले जानकारी दिए । भट्टले ती महिलालाई काम गर्नेक्रममा चिनेका र पछि उनीहरूबीच प्रेम भएर समयसमयमा भेटघाट समेत हुने गरेको थियो ।
त्यतिबेला खिचिएका तस्बिर र भिडियोको दुरूपयोग गरेको प्रहरीले जनाएको छ। उनीहरू बीचको सम्बन्ध टुटेपछि भट्टले नक्कली आइडी बनाएर फेसबुक तथा ह्वाट्सएपमार्फत चरित्र हत्या गरेको पाइएको छ ।
