काठमाडौँ । भारतले न्यूजील्याण्डलाई ३९८ रनको लक्ष्य दिएको छ । जारी क्रिकेट विश्वकपको सेमिफाइनलमा टस जितेर पहिला ब्याटिंग गरेको भारतले ५० ओभरमा ४ विकेट गुमाउदै ३९७ रन बनाएको हो ।
भारतका लागि विराट कोहली र श्रेयस अय्यरले शतकीय पारी खेलेका थिए । विराट कोहलीले ११७ रन बनाए । यो एकदिवसीय क्रिकेटमा विराट कोहलीको ५० शतक हो । योसँगै उनले एकदिवसीय क्रिकेटमा सर्बाधिक शतक बनाउने सचिन तेन्दुलकरको रेकर्ड तोडेका छन् । सचिनले ४९ शतक बनाएका थिए ।
त्यस्तै श्रेयस अय्यरले १०५ रनको शतकीय पारी खेलेका थिए । त्यस्तै शुभमन गिलले अविजित ८०, केएल राहुलले अविजित ३९ रन बनाएका थिए । त्यस्तै रोहित शर्माले ४७ रन बनाएका थिए ।
त्यसैगरी न्यूजील्याण्डका टिम साउथीले ३ विकेट लिए भने ट्रेन्ट बोल्टले एक विकेट लिएका थिए ।
