काठमाडौं । ‘मनोज मानव’ भनिने युट्युबर मनोजकुमार महतो पक्राउ परेका छन् । नेपाल प्रहरीको साइबर ब्युरोको टोलीले ‘स्टार अनलाइन टीभी’ नामक युट्युब च्यानल सञ्चालन गरेका उनलाई बुधबार (हिजो) साँझ पक्राउ गरेको हो ।
विभिन्न व्यक्तिको चरित्र हत्या गर्ने खालका सामग्री प्रसारण गरेको आरोपमा उनलाई पक्राउ गरिएको एसपी पशुपतिकुमार रायले बताए । मनोजलाई पक्राउ गरेर थप अनुसन्धान गरिरहेको ब्यूरोले कसको उजुरीका आधारमा पक्राउ गरिएको भन्नेबारे भने खुलाएको छैन ।
