काठमाडौँ । नेपाली कांग्रेसले महासमिति बैठकको मिति फेरि सारेको छ । मंगलबार पत्रकार सम्मेलन गरी कांग्रेसले महासमिति बैठकको मिति सरेको जानकारी दिएको हो ।
मंगलबार पत्रकार सम्मेलनमा कांग्रेस प्रचार विभाग प्रमुख मीन विश्वकर्माले महासमिति बैठक पुस १६ देखि १९ गतेसम्म हुनेगरी नयाँ मिति निर्धारण गरिएको जानकारी दिए ।
कांग्रेसले सुरुमा मंसिर १३ देखि १६ सम्म महासमिति बैठक बस्ने जनाएको थियो । तर त्यस मितिमा हल नपाएको भन्दै पहिलो पटक सारेर मंसिर २९ देखि पुस २ सम्म पुर्याइएकोमा फेरि सारेर पुस १६ को मिति तय गरेको हो ।
