काठमाडौं । नेपालमा जारी आईसीसी टी २० विश्वकप छनोट अन्तर्गत फाइनल खेल आज हुँदै छ । विश्वकप एसिया क्षेत्र छनोटको फाइनलमा घरेलु टोली नेपालले आज ओमानसँग खेल्न लागेको हो ।
खेल त्रिभुवन बिश्वबिद्यालय किर्तिपुरस्थित खेल मैदानमा आज (आइतबार) बिहान ११ बजेबाट सुरु हुनेछ । छनौट प्रतियोगिताको फाइनल पुगेका नेपाल र ओमानले टी–२० विश्वकपमा स्थान भने यसअघि नै पक्का गरिसकेका छन् ।
नेपालले संयुक्त अरब ईमिरेट्स (यूएई) लाई ८ विकेटले हराउँदै तथा ओमानले बहराइनलाई १० विकेटले हराएर आज हुने फाइनलका लागि स्थान बनाएर प्रतिस्पर्धामा उत्रन लागेका हुन् ।
