काठमाडौँ । हमासले इजरायलमाथि अकस्मात आक्रमण गरेपछि दुई देशबीच युद्ध जारी छ । यसैबीच इजरायलमा फसेकी बलिवुड अभिनेत्री नुसरत भरुचाको उद्धार गरिएको छ । इजरायलमा सम्पर्कविहिन भएकी अभिनेत्री नुसरतलाई उद्धार गरेर उनी केहि बेरमा भारत पुग्ने भारतीय मिडियाहरुले उल्लेख गरेका छन् ।
यसअघि इजरायल र प्यालेस्टाइनबीच चलिरहेको द्वन्द्वका बीच अभिनेत्री नुसरत इजरायलमा फसेको बताइएको थियो । नुसरत केहि दिनअघि हाइफा अन्तर्राष्ट्रिय फिल्म फेस्टिभलमा सहभागी हुन उनी त्यहाँ गएकी थिइन् ।
हमासको आक्रमणपछि अहिलेसम्म करिब ३०० इजरायलीको मृत्यु भएको बताइएको छ भने इजरायलको जवाफी आक्रमणमा हमासका २०० भन्दा बढीको मृत्यु भएको मिडिया रिपोर्टमा उल्लेख गरिएको छ ।
