अमेरिकाको हाउस अफ रिप्रिजेन्टेटिभ्सको सभामुख पदबाट केभिन म्याकार्थीलाई हटाइएको छ । सदनमा भएको मतदानमा उनको विपक्षमा २ सय १६ र समर्थनमा २ सय १० मत परेको थियो ।
त्यसपछि सभामुख पद रिक्त भएको घोषणा गरिएको थियो । उनलाई पदबाट हटाउने पक्षमा मतदान गर्ने २१६ सांसदमध्ये आठ रिपब्लिकन सांसद छन् । उनको समर्थनमा मतदान गर्ने २१० सांसदहरू सबै रिपब्लिकन पार्टीका हुन् ।
यसलाई फ्लोरिडा रिपब्लिकन सांसद म्याट गेट्जको जितका रूपमा हेरिएको छ । पदबाट हटाइएपछि पत्रकार सम्मेलनमा म्याकार्थीले भने, ‘व्यक्तिगत ध्यानाकर्षणका लागि यो गरिएको हो, यसले राजनीतिक मुद्दासँग सरोकार राख्दैन भन्ने तपाई सबैलाई थाहा छ ।’
सरकार खर्च गर्ने बाटो बन्द भएर छटपटिएको बेला सभामुखले विधेयक पारित गराएपछि रिपब्लिकन पार्टीका सदस्यहरू पनि उनीसँग रिसाएका थिए ।
