काठमाडौं । अभिनेता अनमोल केसी हिरासतमुक्त भएका छन् । जिल्ला अदालत काठमाडौंले तीन दिन अनुसन्धान गर्न दिएको समय आइतबार सकिएसँगै प्रहरीले उनलाई छाडेको हो।
उनलाई हाजिरी जमानीमा छाडेको प्रहरीले जनाएको छ । रिहा भएपछि अनमोल केसी घरबाट मगाएको गाडी चढेर प्रहरी कार्यालयबाट बाहिरिएका छन् ।
फिल्म ‘रावायण’को आर्थिक लेनदेन विवादमा निर्मात्री सुप्रिया कटुवालले अनमोलविरुद्ध उजुरी दिएपछि प्रहरीले उनलाई शुक्रबार साँगाबाट पक्राउ गरेको थियो ।
अनमोलले प्रहरीले गरेको सोधपुछमा आफूले १० लाख फिर्ता गर्न खोज्दा पनि ‘रावायण’ फिल्मका निर्माताले लिन अस्वीकार गरेको बताएका छन् ।
