काठमाडौं । नेकपा एमाले कर्णाली प्रदेश कमिटीको नेतृत्व चयनका लागि आज (आइतबार) मतदान हुँदै छ । सुर्खेतमा जारी पार्टीको पहिलो कर्णाली अधिवेशनअन्तर्गत आज बिहान ८ बजेदेखि मतदान हुने भएको हो ।
अधिवेशनबाट पाँच पदाधिकारीसहित १३५ सदस्य चयन हुने निर्वाचन समितिले जानकारी गराएको छ । एमाले कर्णाली अध्यक्षका निम्ति कालीकोटका मीनबहादुर शाही, कालीकोटकै प्रकाश रोकाया र सल्यानका गुलाबजंग शाह चुनावी मैदानमा छन् ।
अध्यक्ष पदका लागि पाँचजनाले उमेदवारी दर्ता गराएका थिए । तर, तीमध्ये कर्णाली प्रदेशसभाका पूर्वसभामुख राजबहादुर शाही र कालीकोटका प्रेमबहादुर सिंहले उमेदवारी फिर्ता लिएपछि तीन जनाबीच प्रतिस्पर्धा हुन लागेको हो ।
