कैलाली । बझाङमा दाजुको हत्या गर्ने भाइ पक्राउ परेका छन् । जिल्लाको छबिसपाथिभेरा गाउँपालिका–७ घट्टेका ६० वर्षीय जैलु मण्डेलकाको हत्या आरोपमा उनका भाइ बिजुली पक्राउ परेका हुन् ।
बिजुलीले शुक्रबार राति दाजु जैलुको तरकारी काट्ने चक्कुले हानेर हत्या गरेका थिए । घटनालगत्तै फरार भएका उनलाई घट्टे गाउँमाथिको एक घरबाट पक्राउ गरिएको जिल्ला प्रहरी कार्यालय बझाङले जनाएको छ । उनलाई पक्राउ गरेर थप अनुसन्धान थालिएको प्रहरीले जनाएको छ ।
