बुटवल । रुपन्देहीको तिलोत्तमामा दुई समुहमा झडप हुदा एक युवाको हत्या भएको छ । घटनामा ३ जना घाइते भएको प्रहरीले जनाएको छ ।
प्रहरीका अनुसार सोमबार साँझ दुई समूह बीच विवाद हुँदा तिलोत्तमा–९ मा भएको घटनामा मकवानपुर हेटौंडाका २४ वर्षीय सुरेश सेन्तानको मृत्यु भएको हो ।
यसैगरी घाइते हुनेहरुमा काठमाडौं महानगरपालिका–१ का विकास वाईवा, मकवानपुर गढी गाउँपालिका–६ का राजु तामाङ र मकवानपुरकै हस्ता सिंह रहेका छन् । घाइतेहरुलाई थप उपचारका लागि यूनिभर्सल मेडिकल कलेज भैरहवा पठाइएको प्रहरीले जनाएको छ ।
घटनामा संलग्न भएको आरोपमा १३ जनालाई नियन्त्रणमा लिई अनुसन्धान भैरहेको ईलाका प्रहरी कार्यालय बुटवलले जनाएको छ ।
