काठमाडौं । संसदीय सुनुवाइ विशेष समितिबाट प्रधानन्यायाधीशमा विश्वम्भरप्रसाद श्रेष्ठको नाम सर्वसम्मत अनुमोदन भएको छ ।
सोमबार सिंहदरबारमा बसेको समितिको बैठकले श्रेष्ठको नाम प्रधानन्यायाधीशमा सर्वसम्मत अनुमोदन गरेको हो ।
समितिमा श्रेष्ठविरुद्धका उजुरीकर्तासँगको छलफलपछि श्रेष्ठको सुनुवाइ सुरु गरिएको थियो । समितिमा श्रेष्ठले कार्ययोजना पेस गरेका थिए ।
समितिले अनुमोदन गरेको पत्र पेश गरेपछि राष्ट्रपतिले प्रधानन्यायाधीश नियुक्ति गर्ने संबैधानिक प्रावधान रहेको छ ।
