काठमाडौँ । आज बस्ने भनिएको प्रतिनिधि सभाको बैठक स्थगित भएको छ । सोमबार दिउँसो १ बजेका लागि बोलाइएको बैठक बस्दै नबसी स्थगित भएको हो ।
संसद सचिवालयका अनुसार आजको बैठक अनुसार सूचना टाँसेर बैठक स्थगित भएको हो । अब अर्को बैठक मंगलबार अपराहन्न १ बजेका लागि बोलाइएको छ ।
.jpg)
प्रमुख प्रतिपक्षी दल नेकपा एमालेले क्विन्टल सुन तस्करी प्रकरणमा उच्चस्तरीय छानबिनको माग राख्दै अवरोध गरेको संसद खुलाउन तयार नभएपछि आजको बैठक स्थगित भएको बुझिएको छ ।
आज प्रधानमन्त्री पुष्पकमल दाहाल प्रचण्ड र एमाले अध्यक्ष केपी शर्मा ओलीबीच संसद खुलाउने विषयमा छलफल भएपनि सहमति हुन सकेको थिएन ।
