काठमाडौँ । साफ च्याम्पियन्सिपमा नेपालले खराब शुरुवात गरेको छ । बुधबार भारतको बैंगलुरुमा सम्पन्न उद्घाटन खेलमा नेपाल कुवेतसँग ३-१ गोल अन्तरले पराजित भएको हो ।
नेपालका लागि अन्जन विष्टले खेलको ६८औ मिनेटमा गोल फर्काएका थिए । यो अन्जनको नेपालको लागि १२औं गोल हो भने कुनै पनि नेपाली खेलाडीले कुवेतविरुद्ध गरेको तेस्रो गोल हो ।
यसअघि कुवेतका लागि खालेद हाजीह, शाबैब अल्खाल्दी र मोहमद अब्दुल्लाहले एक एक गोल गरेका थिए ।
नेपालले अब अर्को खेल आगामी शनिबार भारतसँग खेल्ने तालिका रहेको छ । त्यस्तै कुवेतले भने अर्को खेल शनिबार नै पाकिस्तानसँग खेल्ने छ ।
जुन २१ देखि जुलाई ३ सम्म हुने हुने साफ च्याम्पियनसिपका खेलहरु श्री कान्तिभरा स्टेडियमा हुनेछ ।
यस साफ च्याम्पियन्सिपमा ८ देशले भाग लिदै छन् । साफ देश श्रीलंका फिफाद्वारा सस्पेन्ड रहेकाले यस प्रतियोगितामा खेल्ने छैन । समुह ए मा नेपालसहित भारत, कुवेत र पाकिस्तान रहेको छ । त्यस्तै समुह बि मा लेबनान, माल्दिभ्स, भुटान र बंगलादेश रहेका छन् । दुवै समुहका शिर्ष दुई देश सेमिफाइनल पुग्नेछन् ।
