काठमाडौं । काठमाडौं महानगरपालिकाले बिहीबारदेखि काठमाडौंको भुकुटीमण्डपमा सुरु भएको हिसान शैक्षिक मेला बन्द गराएको छ ।
आवश्यक प्रक्रिया पुरा नगरी शैक्षिक मेला सुरु गरेको भन्दै महानगरले एक दिनका लागि मेला बन्द गराएको हो । महानगरले स्थानीय तहसँग आवश्यक समन्वय नगरेको, एसईईको नजिता प्रकाशित नहुँदै विद्यार्थी भर्ना प्रक्रिया अघि बढाएकाले मेला बन्द गराउनुपरेको जनाएको छ ।
काठमाडौं महानगरका प्रमुख बालेन्द्र शाहका सचिवालयका सदस्य सस्मित पोखरेलले महानगरले कलेजका बारेमा जानकारी दिन पाउने भएपनि विद्यार्थीहरुको नाम संकलन गर्ने, विद्यार्थीहरु भर्ना गर्ने, विवरण लिने काम नगर्न भनेपनि त्यस विपरितको कार्य भएको पाइएकाले मेला बन्द गरिएको जानकारी दिए ।
मेलाको बारेमा महानगरमा विस्तृत रुपमा जानकारी आएको खण्डमा र प्रक्रिया पु¥याएर अघि बढे शुक्रबारबाट मेला आयोजना गर्न सहमति दिइने महानगरले जनाएको छ ।
