काठमाडौं । म्यानचेस्टर सिटीले एफए कप फुटबलको उपाधि जितेको छ । शनिबार भएको फाइनलमा म्यानचेस्टर युनाईटेडलाई २–१ गोल अन्तरले पराजित गर्दै सिटीले उपाधि जितेको हो ।
सिटीको जितमा इल्के गुन्डोगानले दुई गोल गरे । युनाईटेडका ब्रुनो फर्नान्डेजले एक गोल फर्काए । गुन्डोगनले पहिलो मिनेटमै पहिलो गोल गरेपछि ५१ औं मिनेटमा दोस्रो गोल थपे । खेलको ३३ औं मिनेटमा ब्रुनोले पेनाल्टीमार्फत गोल गर्दै युनाईटेडलाई १–१ गोलको बराबरीमा ल्याएका थिए ।
सिटीले सातौं पटक एफए कपको उपाधि जितेको हो, भने यो सिजनको दोस्रो उपाधि हो ।अब सिटीले च्याम्पियन्स लिगको फाइनलमा इन्टर मिलानसँग खेल्नेछ ।
