काठमाडौं । राष्ट्रपति रामचन्द्र पौडेलले संघीय संसद्को दुवै सदनको चालू हिउँदे अधिवेशन अन्त्य गरेका छन् । सरकारको सिफारिमा आज राति १२ बजेबाट लागू हुने गरी हिउँदे अधिवेशन अन्त्य गरिएको हो ।
हिजो (सोमबार) बसेको मन्त्रिपरिषद्को बैठकले संसद्को हिउँदे अधिवेशन अन्त्य गर्ने निर्णय गरेको थियो । ‘सम्माननीय राष्ट्रपति श्री रामचन्द्र पौडेलज्यूले नेपालको संविधानको धारा ९३ को उपधारा (२) बमोजिम नेपाल सरकार, मन्त्रिपरिषद्को मिति २०८१/१२/१८ को सिफारिसमा संघीय संसदको दुवै सदनको चालु अधिवेशन संवत् २०८१ साल चैत १९ गते मङ्गलबार राती १२ः०० बजेदेखि अन्त्य गर्नुभएको छ,’– राष्ट्रपतिको कार्यालयकी प्रवक्ता शैलजा रेग्मी भट्टराईद्वारा जारी विज्ञप्तिमा भनिएको छ ।
संसद्को हिउँदे अधिवेशन गत माघ १८ गतेबाट सुरु भएको थियो ।
