काठमाडौं । प्रधानमन्त्री केपी शर्मा ओली थाईल्याण्ड प्रस्थान गरेका छन् । थाइल्याण्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) को छैटौं शिखर सम्मेलनमा सहभागी हुन प्रधानमन्त्री ओली आज त्यसतर्फ प्रस्थान गरेका हुन् ।
प्रधानमन्त्री ओलीले हिजो नै संसद्मार्फत आफ्नो भ्रमणबारे जानकारी गराएका थिए । उनले आफू नै थाइल्यान्डको औपचारिक भ्रमण गर्ने पहिलो प्रधानमन्त्री हुने बताएका थिए । उनी थाइल्यान्डका प्रधानमन्त्री फेथोङथान सिनावातको मैत्रीपूर्ण निमन्त्रणामा गएका हुन् ।
बैंकक बसाईको क्रममा उनले बिमस्टेकमा भाग लिन आउने विभिन्न देशका प्रमुखहरुसँग साईडलाईन भेटवार्ता गर्ने बुझिएको छ । भारतीय प्रधानमन्त्री नरेन्द्र मोदीपनि बैंकक पुग्दैछन् । मोदीसँग ओलीको भेटवार्ताबारे खुलाईएको छैन् । प्रधानमन्त्री ओली चैत्र २३ गतेमा स्वदेश फर्किने कार्यतालिका छ ।
